Binibining Palaro, naging hudyat sa pagsisimula ng 2011 Intramurals ng C...

Responsibilidad at pananagutan ng mga stakeholders, nilinaw sa School Ba...

Balitang kinipil

Gamot para sa napapabayaang kalusugan, inireseta sa mga mag aaral at ma...

Kakayahang pangkusina, natutuhan ng mga mag-aaral sa Nutri Cookfest ng C...

Responsibilidad at pananagutan ng mga stakeholders, nilinaw sa School-Based Management Orientation Program ng Camp Tinio Elementary School

PANANAGUTAN.

Ito ang salitang kumintal sa isipan ng mga internal at external stakeholders ng Camp Tinio Elementary School sa katatapos na School-based Management o SBM Orientation Program na inorganisa ng paaralan kamakailan.

Mariing ipinaliwanag ng isa sa mga gurong tagapagsalita sa oryentasyon na si G. Allan David Valdez ang ika-anim na dimensiyon ng SBM na tumatalakay sa accountability o pananagutan hindi lamang ng mga guro gayundin ng mga magulang at komunidad sa pagkatuto ng mga mag-aaral at performance ng paaralan sa kabuuan.

Tinanggap naman ng mga stakeholders ang kanilang pananagutan na ayon sa kanila ay bunga ng kanilang pagmamalasakit sa paaralan.

Binigyang-diin din ni Valdez ang mga benepisyong dulot ng SBM sa mga mag-aaral, magulang, guro, at paaralan na sinang-ayunan naman ng mga nagsidalo.

Naliwanagan din ang mga nagsidalo sa kanilang mga responsibilidad bilang partner ng paaralan sa tulong ng isa pang gurong tagapagsalita sa oryentasyon na si Bb. Mary Grace Valiente.

Isa-isang tinalakay ni Valiente ang responsibilidad ng School Governing Council o SGC, General Parent-Teacher Organization o GPTA, Local Government Unit, Non-Government Organization, at ng komunidad.

Nagpahiwatig naman ng pagbalikat sa mga responsibilidad ang mga miyembro ng mga nasabing stakeholders.

Kabilang sa mga nagsidalo ang mga opisyales ng SGC, GPTA, HPTA, Sangguniang Barangay, at mga guro na inaasahang sama-samang kikilos sapagkat sila ay may PANANAGUTAN.

Kakayahang pangkusina, natutuhan ng mga mag-aaral sa Nutri Cookfest ng Camp Tinio Elementary School

Busog na ang tiyan, busog pa ang isipan.

Pinatunayan ito ng mga mag-aaral ng Camp Tinio Elementary School na lumahok at nag-ala chef sa Nutri Cookfest noong nakaraang linggo na bahagi ng pagdiriwang ng paaralan sa Buwan ng Nutrisyon.

Bukod sa mga masusustansiyang pagkain na bumusog sa mga mag-aaral, hindi maitatatwa ang mga kakayahang pangkusinang naranasa at natutunan ng mga ito sa kanilang pakikilahok sa taunang Nutri Cookfest maging babae o lalaki man.

Mula sa tamang pagtatalbos, hanggang sa pagbabalat ng gulay ay naranasan at natutunan ng mga mag-aaral.

May mga nakaranas din ng magparingas ng apoy, maghiwa ng mga gulay, maglinis ng isda, maghalo ng lutuin, at magprito.

Hindi rin maitatanggi ang kahusayan ng ilan sa food presentation tulad na lamang nitong tortang cauliflower na napaliligiran ng animo pabulaklak na pechay baguio, at itong seafoods supreme na pinalamutian ng berdeng seeweeds.

Itinanghal na panalo sa paligsahan ang putaheng seafood fiesta ng Grade V at ginataang dahon ng kamoteng kahoy at crispy kangkong naman ng Grade VI.

Natalo man ang karamihan, panalo naman sila sa habambuhay na karanasang hindi nila malilimutan.

Proyekto para sa instruction, learning environment, at health and sanita...

Proyekto para sa instruction, learning environment, health and sanitation, pinuntirya ng HPTA sa Camp Tinio Elementary School

Instruction, learning environment, at health and sanitation.

Ito ang mga naging pokus ng ilang mga Homeroom PTA officers ng Camp Tinio Elementary School sa kanilang mga proyekto ngayong taong panuruan.

Sa 35 mga pangkat mula una hanggang ika-anim na baitang, dalawa sa mga ito ang maidaragdag na sa listahan ng mga silid-aralan na kung saan ang guro ay gumagamit na ng telebisyon at instructional videos sa pagtuturo.

Anim na pangkat naman ang nagdagdag ng mga bentilador, na ayon sa mga opisyales ay makatutulong upang ang mga silid-aralan ay lalong maging “conducive” sa pag-aaral.

Washing area at mga comfort rooms naman ang nakatakdang itayo sa apat na silid-aralang wala pang sariling C.R at washing area na siya namang magiging isa sa mga sandata sa pagkakaroon ng malusog at malinis na pangangatawan ng mga mag-aaral at kapaligiran ng paaralan.

Sa pangunguna ng mga opisyales ng HPTA sa bawat pangkat, naisakatuparan at kasalukuyang isinasakatuparan pa ang mga proyektong ito.

Patuloy pa rin naman sa pag-paplano ng mga magiging proyekto ang mga opisyales sa iba pang mga baitang at pangkat.

Academic Performance ng mga undernourished sa Camp Tinio Elementary Scho...

Academic Performance ng mga undernourished sa Camp Tinio Elementary School, target pataasin ng Feeding Program

Ang feeding program ay hindi lang upang palusugin ang katawan kundi gayundin ang isipan.

Sa pangungusap na ito nakabatay ang layunin ng Camp Tinio Elementary School sa pagpapakain ng 271 mga undernourished na mag-aaral sa taunang feeding program nito na pormal nang sinimulan ngayong buwan ng Nutrisyon.

Naniniwala ang Health and Nutrition Coordinator ng Camp Tinio Elementary School na hindi lamang mapabubuti ang kalusugan ng mga mag-aaral dahil sa feeding program.

Makatutulong din aniya ito upang maiangat ang performance ng mga bata sa silid-aralan na pinatutunayan ng maraming pag-aaral na nagsasabi sa direktang relasyon ng nutrisyon sa academic performance ng mga mag-aaral.

Batay kasi sa datos ng paaralan mula sa Nutritional Status Record ngayong taon, 15.32% ng kabuuang populasyon ng Camp Tinio Elementary School ang undernourished o ang tinatawag na wasted at severely wasted.

Kapansin-pansin na 80 porsiyento sa mga napabilang sa ganitong kategorya ay may mababang academic performance na ibinatay sa kanilang General Average noong nakaraang taon.

Kaya naman inaasahan ang positibong epekto ng feeding program kapwa sa pisikal at mental na performance ng mga mag-aaral.

Samantala, 80 porsiyento naman ang naitalang malulusog na mga mag-aaral, .76 % ang obese, at 3.38 % ang above normal.

Dahil sa pagyakap ng mga magulang sa Universal Kindergarten Education, e...

BJMP wardens, nag community service sa Camp Tinio Elementary School

Dahil sa pagyakap ng mga magulang sa Universal Kindergarten Education, enrolment sa Kindergarten lumobo

Lumubo ng limampung porsiyento ang populasyon ng kindergarten sa Camp Tinio Elementary School ngayong taon dahil sa pagyakap ng mga magulang sa Universal Kindergarten Education na unang hakbang sa ilalim ng K to 12 basic education program ng Department of Education o DepEd.

Ang dating apat na klase o pangkat noong nakararaang mga taon na binubuo ng hindi bababa sa dalawampu’t limang estudyante bawat klase ay naging anim na pangkat na ngayong taon, na may kabuuang 150 mga mag-aaral.

Bagamat may biglaang paglaki ng bilang ng mga mag-aaral sa kindergarten, inasahan naman ito ng Camp Tinio Elementary School dahil nga sa naturang Universal Kindergarten Education, na nagtatakda sa mga batang maglilimang taong gulang ngayong buwan ng Hunyo hanggang Oktubre na pumasok sa kindergarten.

Ayon sa DepEd, pre-requisite na ngayon ang kindergarten sa mga batang limang taon bago sila makatuntong sa Grade I.

Matatandaang nagkaroon ng maagang pagpapatala ng mga mag-aaral na papasok sa kindergarten noong Enero taong kasalukuyan na siyang naging maagang paalala sa mga magulang tungkol sa Universal Kindergarten Education.

Sa kasalukuyan, may isang klase ng mga kindergarten sa Camp Tinio Elementary School ang nasa ilalim ng Kindergarten Regular Program o KRP na hawak ng gurong may permanent status at dalawang klase sa ilalim ng Kindergarten Volunteer Program o KVP na hawak naman ng mga gurong volunteer.

Lahat ng klase maging sa KRP man o KVP ay sumusunod sa itinakdang integrated curriculum at nagkaroon na ng pagsasanay tungkol dito noong Mayo na ginanap sa Angeles City.

Nakatanggap na rin ang mga guro ng Kindergarten Curriculum Guide na naglalaman ng pang-araw-araw na gawain ng mga mag-aaral sa loob ng sampung buwan.

Bagamat hindi pa dumarating sa paaralan ang Basic Instructional Package na naglalaman ng isang set ng manipulative toys, story books, at mga awit at kuwento sa CD at DVD, kaniya-kaniya munang paraan ang mga guro sa kindergarten upang maisagawa ang pang-araw araw na gawain ng mga bata ayon sa Kindergarten Curriculum guide.