Kaisahan ng Lahat, Kailangan sa Pagpuksa sa Dengue

Hindi lingid sa lahat ang puspusang paglaban ng Camp Tinio Elementary School kontra Dengue.

Bukod sa pagpapanatili ng kalinisan sa loob ng paaralan ay busog din sa payo, bilin, at pangaral ang mga mag-aaral tungkol sa pag-iwas sa naturang sakit. Kamakailan pa nga ay bumandera sa unang isyu ng pahayagang pampaaralan ng nasabing paaralan ang maigting nitong paglaban kontra Dengue.

Sa kabila nito ay hindi pa rin naiwasan ang pagtatala ng mga kaso ng naturang sakit na mula sa kagat ng lamok.

Mula sa pitong kaso na naitala mula buwan ng Hunyo hanggang Oktubre ay tumaas na ito sa labing-apat. Kabilang na rito ang malungkot na kaso ng pagkamatay ng isang mag-aaral na nasa unang baitang SPED, ilang linggo bago mag-Pasko.

Si Tricia Dela Cuesta, sa murang edad na anim ay ginupo ng Dengue at pumanaw bago pa man sumapit ang pagdiriwang ng paaralan ng SPED and Parents’ Day na kung saan siya sana ay nakapagsayaw at nakapagsaya kasama ng kaniyang mga kamag-aral at magulang.

Hindi na rin nagawang ipagdiwang ni Tricia ang kapaskuhan. At hindi na rin niya nasalubong ang bagong taon kasama ang kanyang mga magulang na hanggang ngayo’y nagluluksa pa rin sa pagkawala ng kanilang supling.

Sa patuloy na pagsalakay ng mga lamok na nagdadala ng Dengue, hindi sapat na ang paaralan lamang ang maigting na lumalaban kontra rito. Hindi bente y kuwatro oras ay nasa loob ng paaralan ang mga mag-aaral. Sila ay malayang nakakikilos pa rin sa iba pang bahagi ng komunidad.

Hindi rin maaaring sabihing sapat ang pagiging malinis ng ating tahanan upang makaiwas sa Dengue. Dahil ang lamok ay naglalakbay at lumilipad. Paano kung ang ating bakuran nga ay ubod ng linis kung ang sa iba naman ay hindi.

Seryosong usapin ang paglaban sa Dengue at hindi lamang ang paaralan ang dapat na gumagawa ng hakbang upang ang naturang sakit ay mapuksa. Buhay ang nakasalalay sa pagkilos ng bawat isa. Buhay na sana’y hindi magiging isang tulad ng lobo na kung nabitiwa’y tatangayin ng hangin sa kalangitan hanggang sa ito’y maglaho at hindi na matanaw.

Mga magulang, mag-aaral, at guro nag-bonding sa SPED and Parents' Day

Nagbonding to the max sa mga pagtatanghal at mga palaro ang mga magulang, SPED pupils at mga guro sa ginanap na SPED Day and Parents’ Day sa Camp Tinio Elementary School ilang linggo bago matapos ang taon.

Nagpasikatan ang mga magulang at kanilang mga anak sa kanilang mga pagtatanghal. May bumirit ng awit, sumayaw ng pakendeng-kendeng at may nag-group dancing. Ngunit higit na nagningning ang pagtatanghal ng Tabije family kung saan tumugtog ang tatlo sa mga miyembro ng nasabing mag-anak ng flute, drum, at gitara.

Nagpaligsahan rin ang mga magulang at kanilang mga anak sa iba’t ibang palaro at masayang nagrambulan ang ilan sa Trip to Jerusalem.

Nabusog din ang mga mata ng mga nagsidalo sa iba’t-ibang pagtatanghal na ipinamalas ng mga SPED pupils. Siyempre, hindi mawawala ang pagsayaw ng hip hop, Hawaiian, at novelty dance. Maging ang mga guro at punung-guro ay hindi nagpapigil sa pag-indak.

Busog din ang tiyan ng lahat nang sama-samang nagsalu-salo ang lahat sa isang pananghalian.

Dinaluhan rin ang nasabing pagdiriwang ng SPED Coordinator ng Sangay ng Cabanatuan na si Ginang Corazon Selarde.

Pamaskong pandekorasyong sariling likha ng mga estudyante, patok sa Camp Tinio Elementary School

Pasko na!

At Kung ngayong buwan ng kapaskuhan ay napapalamutian ang ilang paaralan ng mga ready-made na pamaskong pandekorasyon, sa ilang bahagi ng Camp Tinio Elementary School ay hindi sapagkat ang mga pamaskong pandekorasyon na sariling gawa ng malikhaing mga kamay ng mga estudyante ay hindi maitatangging uso at patok.

Masining na pinalamutian ng mga grade five at six ang kanilang mga classrooms ng mga pandekorasyong gawa sa iba’t-ibang materyales tulad ng makukulay na papel, mga magazine at diyaryo na sila mismo ang nagdisenyo.

Sa Grade five, agaw pansin ang maliiit na Christmas treeng ito na gawa sa tube ng pinagrolyohan ng tissue paper at maliliit na mga bituing gawa sa lumang magazine.

Pansinin din ang mga bituing mga nakasabit sa kisame na gawa naman sa art paper.

Mayroon ding Christmas tree na gawa sa tingting at garlands na gawa naman sa lumang magazine.

Sa Grade VI, mabubusog naman ang iyong mga mata sa makukulay na mga parol tulad ng mga ito. May pula, dilaw, berde at bughaw.

Lahat ng mga pandekorasyong ito ay sariling likha ng mga mag-aaral at naglalayong paunlarin ang kakayahan ng mga bata sa arts.

Hindi man singganda tulad ng mga ready-made na mga pandekorasyon, hindi naman matatawaran ang karanasan at edukasyong ikinintal ng mga ito sa mga mag-aaral.

Featured Pupil

On The Wheels of Dreams

For common children, it is a must to master how to ride a bike for a simple reason – recreation. But for a “padyak” boy like Freddie, biking means more than just a pastime because for him, biking is living.

“I am earning 200 pesos each day every after class. Part of it is spent in buying two kilograms of rice to feed seven members of our family.” he said with a tone of conviction, which makes him sound older than his actual age.

Since he does not own the tri-bike, as he told, he must take extra care for in case it is wrecked he will be the one responsible for the repair of the bike.

Despite all these, working does not pose a threat for his studies because according to his teachers, Freddie is as diligent in his studies as he is in bicycling.

And just like the wheels of his tri-bike, Freddie dreams that someday, his wheel of fate turns on top as he desires to be a future soldier, or if not, he wants to own many tri-bikes and have them hired by people or children who like him are in need.